ஐஸ்வர்யா ரஜினிகாந்த் இயக்கத்தில் உருவாகியுள்ள ‘லால் சலாம்’ படம் வரும் 9 ஆம் தேதி ரிலீஸ் ஆக இருக்கிறது. இதனை முன்னிட்டு தற்போது படத்தின் புரமோஷன் பணிகள் மும்முரமாக நடந்து வருகின்றன. இந்நிலையில் ‘லால் சலாம்’ படத்தில் அசத்தலான டிரெய்லர் தற்போது வெளியாகி ரசிகர்கள் மத்தியில் கவனம் ஈர்த்து வருகிறது.
தமிழ் சினிமாவில் முன்னணி நடிகராக திகழ்பவர் ரஜினிகாந்த். இவரின் முத்த மகளான ஐஸ்வர்யா ‘3’ படத்தின் வாயிலாக கோலிவுட்டில் இயக்குனராக அறிமுகம் ஆனார். இதனையடுத்து கெளதம் கார்த்திக் நடிப்பில் ‘வை ராஜா வை’ படத்தினையும் இயக்கினார். இந்த இரண்டு படங்களுக்கு பிறகு ஐஸ்வர்யா ரஜினிகாந்த் படங்கள் எதுவும் இயக்கவில்லை. டைரக்ஷனுக்கு நீண்ட இடைவெளி விட்டு விட்டார். இதனையடுத்து தற்போது மிகப்பெரிய கேப்பிற்கு பிறகு மீண்டும் இயக்கத்துக்கு திரும்பியுள்ள ஐஸ்வர்யா ரஜினிகாந்த் ‘லால் சலாம்’ படத்தினை இயக்கியுள்ளார். லைகா நிறுவனம் தயாரித்துள்ள இப்படத்தில் மொய்தீன் பாய் என்ற இஸ்லாமியராக கெஸ்ட் ரோலில் நடித்துள்ளார்.
அத்துடன் கிரிக்கெட் விளையாட்டை மையப்படுத்தி உருவாகியுள்ள இப்படத்தில் இந்திய கிரிக்கெட் அணியின் முன்னாள் வீரரான கபில் தேவ்வும் கெஸ்ட் ரோலில் நடித்து இருக்கிறார். மேலும், ‘லால் சலாம்’ படத்தில் விக்ராந்த், விஷ்ணு விஷால் இருவரும் பிரதான கதாபாத்திரத்தில் நடித்துள்ளனர். அத்துடன் கே.எஸ். ரவிக்குமார், செந்தில், தம்பி ராமையா, லிவிங்ஸ்டன், நிரோஷா, ஜீவிதா, விவேக் பிரசன்னா, தங்கதுரை ஆதித்யா மேனன் உள்ளிட்ட பலர் நடித்துள்ளனர்.
கடந்த பொங்கலுக்கே ரிலீஸ் ஆகவிருந்த ‘லால் சலாம்’ படம் வரும் 9 ஆம் தேதி வெளியாகவுள்ளது. இதனை முன்னிட்டு படத்தின் மிரட்டலான டிரெய்லர் தற்போது வெளியாகியுள்ளது. 7 மணிக்கு வெளியாவதாக அறிவிக்கப்பட்ட டிரெய்லர் ஒரு வழியாக 10.30 வெளியிடப்பட்டுள்ளது. ரசிகர்களும் வெறித்தனமான காத்திருப்புக்கு பின் டிரெய்லரை கொண்டாடி தீர்த்து வருகின்றனர்.
ஊர் திருவிழா, இரு பிரிவினருக்கு இடையிலான மோதல், கிரிக்கெட், மொய்தீன் பாயாக ரஜினியின் என்ட்ரி என ‘லால் சலாம்’ டிரெய்லரே அமர்க்களமாக அமைந்துள்ளது. ஊர்ல வெள்ளை வேஷ்டி கட்டிக்கிட்டு, அல்லாஹ் அக்பர்ன்னு அஞ்சு நேரம் நமாஸ் பண்ணிக்கிட்டு, சாந்தியும் சமாதானமும் பேசிக்கிட்டு இருக்க ஆளுன்னு நினைச்சியா? பம்பாய்ல பாய் ஆளே வேறடா..
மதத்தையும் நம்பிக்கையையும் மனசுல வை. மனித நேயத்தை அதுக்கு மேல வை. அதுதான் இந்த நாட்டோட அடையாளம் என டிரெய்லரில் இடம்பெற்றுள்ள வசனங்கங்கள் ரசிகர்கள் மத்தியில் கவனம் ஈர்த்து வருகின்றன. இதனால் ‘லால் சலாம்’ படம் அனைவரும் கொண்டாடும் விதமாக இருக்கும் என ரசிகர்கள் எதிர்பார்க்கின்றனர்.