சிரஞ்சீவி நடிப்பில் ‘விஸ்வாம்பரா’ என்ற படம் உருவாகி வருகிறது. இப்படத்தில் நடிகை திரிஷா இணைந்துள்ளார். இதுக்குறித்த அதிகாரப்பூர்வ அறிவிப்பினை தனது எக்ஸ் தளத்தில் வெளியிட்டுள்ளார் சிரஞ்சீவி. நடிகை திரிஷாவும் இந்த வாய்ப்போ அளித்த சிரஞ்சீவிக்கு வாழ்த்து தெரிவித்து பதிலளித்துள்ளார்.
தமிழ் சினிமாவில் ரஜினி, கமல், விஜய், அஜித், சூர்யா, தனுஷ், விக்ரம் என முன்னணி நடிகர்கள் பலருக்கும் ஜோடியாக நடித்துள்ளார். கிட்டத்தட்ட 20 ஆண்டுகளாக சவுத் குயினாக ரசிகர்களை கவர்ந்து வருகிறார். ‘பொன்னியின் செல்வன்’ நாவலை மையமாக வைத்து மணிரத்னம் இயக்கத்தில் வெளியான படத்தில் குந்தவையாக நடித்து ரசிகர்களை கவர்ந்திருந்தார். இளவரசியாக மக்களின் மனங்களை கவர்ந்த இவர் நீண்ட இடைவேளைக்கு பிறகு ‘லியோ’ படத்தில் விஜய்யின் ஜோடியாக நடித்தார். இதனையடுத்து ‘விடாமுயற்சி’ படத்தில் தற்போது நடித்து வருகிறார். விஜய்யை தொடர்ந்து அஜித் ஜோடியாக நடித்து கொண்டிருக்கிறார். மேலும், மணிரத்னம் இயக்கத்தில் கமல் நடிக்கும் ‘தக் லைப்’ படத்திலும் இணைந்துள்ளார்.
இந்நிலையில் திரிஷாவின் புதிய படம் குறித்த அதிகாரப்பூர்வ அறிவிப்பு தற்போது வெளியாகியுள்ளது. யுவி கிரியேஷன்ஸ் நிறுவனத்தின் தயாரிப்பில் சிரஞ்சீவியின் 156 வது படமாக விஸ்வாம்பராவில் இணைந்துள்ளார் திரிஷா. படப்பிடிப்பு தளத்தில் அவருக்கு பூங்கொத்து கொடுத்து படக்குழுவினர் வரவேற்றுள்ளனர். இது தொடர்பான அறிவிப்பு வீடியோவை தனது எக்ஸ் தளத்தில் பகிர்ந்துள்ளார் சிரஞ்சீவி.
இதனையடுத்து திரிஷா தனது சமூக வலைத்தள பக்கத்தில், சிரஞ்சீவி பதிவிட்ட வீடியோவை பகிர்ந்து, ’18 ஆண்டுகள் கழித்து மீண்டும் மெகா ஸ்டார் சிரஞ்சீவி அவர்களுடன் இணைந்து நடிப்பது மிகுந்த மகிழ்ச்சி. எனக்கு இந்த வாய்ப்பை கொடுத்த சிரஞ்சீவி அவர்களுக்கு நன்றி’. இவ்வாறு தனது பதிவில் குறிப்பிட்டுள்ளார் திரிஷா.