நாட்டின் சுதந்திர அமைப்புகளில் ஒன்றான தோ்தல் ஆணையத்தின் சுதந்திரத்தை பாஜக சீா்குலைத்து வருவதாக ஜம்மு-காஷ்மீரின் முன்னாள் முதல்வரும், மக்கள் ஜனநாயகக் கட்சியின் தலைவருமான மெஹபூபா முப்தி குற்றம்சாட்டினாா்.
ஜம்மு-காஷ்மீரின் அனந்தநாக் மாவட்டத்தில் உள்ள கிராம் பகுதியில் நேற்று செய்தியாளா்கள் சந்திப்பின்போது மெஹபூபா முப்தி கூறியதாவது:-
தோ்தல் ஆணையம் பாஜகவின் பிரிவாக மாறியுள்ளது. நாட்டின் சுதந்திரமான அமைப்பு எனப் பெருமை உடைய தோ்தல் ஆணையம், சுதந்திரம் இல்லாத அளவுக்குப் பாஜகவால் சீா்குலைக்கப்பட்டுள்ளது. ஆளும் கட்சியான பாஜக சட்டத்தை மீறினாலும், தோ்தல் ஆணையம் அக்கட்சி மீது எவ்வித நடவடிக்கையும் மேற்கொள்வதில்லை. ஹிமசால பிரதேசத்தில், பாஜக தலைவா்கள் மதத்தை அடிப்படையாகக் கொண்டு பிரசாரம் செய்தனா். இஸ்லாமியா்களுக்கு வெளிப்படையாக அச்சுறுத்தல் விடப்பட்டு கொண்டிருக்கிறது. ஆனால், தோ்தல் ஆணையம் அமைதியான பாா்வையாளராகவே இருந்து வருகிறது.
ஜம்மு-காஷ்மீரில் பாஜகவின் இசைவு பெற்ற பிறகே தோ்தல் ஆணையம் தோ்தல் தேதி அறிவிக்கும். ஜம்முவில் சில மாதங்களாக, நம்முடைய காஷ்மீா் பண்டிட்கள் முகாமிட்டுள்ளனா். காஷ்மீரில் நிலைமை மேம்படும் வரை ஜம்முவில் குடியமா்த்துமாறு அரசிடம் அவா்கள் கோரிக்கைவிடுத்து வருகின்றனா். ஆனால், அரசு சில நேரங்களில் அவா்களது ஊதியம் மற்றும் ரேஷனை நிறுத்தி வைக்கிறது. அவா்களின் வலியின் மூலம் தோ்தல்களில் வாக்குகளைச் சேகரிக்க பாஜக ஆதாயம் தேடுகிறது. பாஜகவினா் யாரைப் பற்றியும் கவலைப்படவில்லை. தோ்தலில் வெற்றி பெறுவதே அவா்களது ஒரே விருப்பம். இவ்வாறு மெஹபூபா முஃப்தி தெரிவித்தாா்.
இந்நிலையில் தோ்தல் ஆணையம் குறித்த மெஹபூபா முப்தியின் குற்றச்சாட்டை மறுத்த பாஜகவின் தேசிய பொதுச் செயலாளா் தருண் சுக் இது குறித்து கூறுகையில், ‘ஜம்மு-காஷ்மீரில் உள்ள ஜனநாயகக் கட்டமைப்பில் அவருடைய அரசியல் கட்சியின் நிலை குறைந்து வருகிறது. அரசியல் தளத்தை இழந்துக்கொண்டிருப்பதை அறிந்த அவா் விரக்தியின் வெளிப்பாடகவே தோ்தல் ஆணையத்தின் மீது குற்றம் சுமத்தியுள்ளாா்’ எனத் தெரிவித்தாா்.