செந்தில் பாலாஜிக்கு அடைப்பு எடுத்துவிட்ட மாதிரி, பொன்முடிக்கும் அடைப்பு எடுத்துட்டோம்னா எல்லாம் சரியாயிடும் என்று பாஜக மூத்த தலைவர் எச். ராஜா கூறியிருப்பது சர்ச்சையை ஏற்படுத்தியுள்ளது.
காவிரியில் தண்ணீர் பெற்று தராத திமுக அரசைக் கண்டித்து விவசாய அமைப்புகள் சார்பில் தஞ்சாவூரில் நேற்று போராட்டம் நடைபெற்றது. இந்தப் போராட்டத்தில் பாஜக மூத்த தலைவர் எச். ராஜா தலைமையில் அக்கட்சியினர் பங்கேற்றனர். அப்போது செய்தியாளர்களிடம் எச். ராஜா பேசியதாவது:-
காவிரியில் தண்ணீர் திறந்து விடுனு கேட்பார் என்று நினைத்தால், கர்நாடகா துணை முதல்வர் சிவக்குமார் வீட்டுக்கு போய் ஸ்டாலின் சாப்பிட்டுட்டு வர்றாரு. சரி அவர்தான் இப்படி இருக்காரு. நீங்க போய் பேசிட்டு வாங்கனு நம்ம சீனியர் சிட்டிசன் துரைமுருகனிடம் சொன்னா, நான் ஏன் போய் பேசணும்னு கேக்குறாரு. 5 ஆண்டுகள் மத்தியிலும், கர்நாடகாவிலும் பிஜேபி ஆட்சி இருந்தபோது, காவிரியில் இருந்து தண்ணீர் தமிழகத்திற்கு சரியாக வந்து கொண்டிருந்தது. எனவே, காவிரியில் தண்ணீர் வரும் வரை இந்த போராடடம் தொடரும்.
திமுகவில் இருக்கும் எல்லோருக்கும் மூளை மழுங்கி போயிருச்சு. இன்னைக்கு காலையில பொன்முடி, பாஜக பற்றி என்னென்னவோ பேசிருக்காரு. இந்த செந்தில் பாலாஜிக்கு அடைப்பு எடுத்துவிட்ட மாதிரி இந்த ஆளுக்கு (பொன்முடி) இன்னும் அடைப்பு எடுக்கல. இவருக்கும் அடைப்பு எடுத்துட்டோம்னா சரியாயிடுவாரு. பல கோடிக்கு கிராவல் மண் கடத்துன புண்ணியவான் பொன்முடி. 40 கோடி பாங்குல வெச்சிருக்காரு. என்னைக்குமே தப்பு பண்ணினா அடங்கி இருக்கணும். ரொம்ப பேசுனனா அப்புறம் வில்லங்கம் வந்துரும். அதுக்கு அப்புறம் தென்னரசு, கேகேஎஸ்எஸ்ஆர் என நிறைய பேர் லிஸ்ட்டில் இருக்காங்க. பாத்து பொறுமையாக எல்லோருக்கும் அடைப்பு எடுத்துரலாம். இவ்வாறு எச். ராஜா கூறினார்.