கூட்டணி தொடர்பாக பாஜக நடத்தும் ஆலோசனைக் கூட்டத்தில் பங்கேற்க தமிழக பாஜக தலைவர் அண்ணாமலை டெல்லி செல்கிறார்.
மக்களவைத் தேர்தல் கூட்டணி பேச்சுவார்த்தை தொடர்பாக நடக்கும் ஆலோசனைக் கூட்டத்தில் பங்கேற்க வரும் பிப். 16 ஆம் தேதி தமிழக பாஜக தலைவர் அண்ணாமலை டெல்லி செல்கிறார். டெல்லியில் பாஜக கூட்டணி பேச்சுவார்த்தை தொடர்பான ஆலோசனைக் கூட்டம் வரும் பிப். 17 மற்றும் 18 ஆம் தேதிகளில் நடைபெறுகிறது. இந்த ஆலோசனைக் கூட்டத்தில் அண்ணாமலை பங்கேற்கிறார்.
இந்நிலையில், டெல்லி பயணம் மேற்கொள்ளும் தமிழக பாஜக தலைவர் அண்ணாமலை, மத்திய அமைச்சர் அமித் ஷா மற்றும் ஜே.பி. நட்டா ஆகியோரை சந்தித்து முக்கிய ஆலோசனைகளை மேற்கொள்ளவுள்ளார்.
தமிழகத்தில் ‘என் மண், என் மக்கள் என்ற தலைப்பிலான நடைப்பயணத்தை பாஜக மாநிலத் தலைவா் அண்ணாமலை மேற்கொண்டு வருகிறார். என் மண் என் மக்கள் யாத்திரையின் நிறைவு விழா பிப். 25 ஆம் தேதி பல்லடத்தில் நடைபெறுகிறது. இந்நிகழ்வில் இந்திய பிரதமர் நரேந்திர மோடி பங்கேற்கிறார்.