பாகிஸ்தானின் பலுசிஸ்தான் மாகாணத்தில் மசூதி அருகே சக்திவாய்ந்த குண்டு வெடித்ததில் 13 பேர் கொல்லப்பட்டனர். 70 பேர் காயமடைந்தனர்.
மஸ்துங் மாவட்டத்தில் முகம்மது நபியின் பிறந்தநாளாக ஈத் மிலாது நபியைக் கொண்டாட மக்கள் கூடியிருந்த மசூதிக்கு அருகே இந்த குண்டு வெடிப்பு சம்பவம் நிகழ்ந்துள்ளது. மஸ்துங் உதவி ஆணையர் அட்டா உல் முனிம் கூறுகையில், மதீனா மசூதிக்கு அருகில் இந்த குண்டுவெடிப்பு சம்பவம் நடைபெற்றுள்ளது. இதில் 13 பேர் கொல்லப்பட்டனர். 70-க்கும் மேற்பட்டோர் காயமடைந்தனர். காயமடைந்தவர்கள் அருகில் உள்ள மருத்துவமனைக்கு மாற்றப்பட்டுள்ளது. காயமடைந்தவர்களில் சிலரின் நிலைமை கவலைக்கிடமாக உள்ளதாக அவர் தெரிவித்தார்.